նախընտրելի դարձնելՄայիսի 22-ին, ժամը 22.10-ին, ոստիկանության Կենտրոնականի բաժնի եւ Մարաշի բաժանմունքի ծառայողները Կենտրոն եւ Նորք-Մարաշ վարչական շրջանների ընդհանուր իրավասության դատարանի որոշմամբ խուզարկություն են կատարել 1983 թ. ծնված Գեւորգ Ա.-ին պատկանող, Մ. Խորենացու փողոցում գործող տաքսի ծառայության աշխատասենյակում, որտեղից հայտնաբերել է թույլտվության ժամկետն անցած «Սայգա ՄԿ» տիպի 7,62 մմ տրամաչափի հրացան, ինքնաձիգի 7,62 մմ տրամաչափի` 19, «Սայգա» հրացանի 7,62 մմ տրամաչափի 2 եւ 8 մմ տրամաչափի գազային ատրճանակի 8 փամփուշտ, ինքնաձիգի 3 պահունակ, որսորդական 2 դանակ եւ 1 մահակ:
Ոստիկանության լրատվության վարչությունից հայտնում են, թե ըստ Գեւորգ Ա.-ի հայտարարության` հայտնաբերվածը պատկանում է իրեն:
Հայտնաբերվածն առգրավվել եւ ուղարկվել է փորձաքննության:
Կատարվում է նախաքննություն:
