նախընտրելի դարձնելԵրեւանի քաղաքապետ Տարոն Մարգարյանի նախաձեռնությամբ երեխաների պաշտպանության միջազգային օրը հաճելի անակնկալ է մատուցվել Հայ օգնության ֆոնդի «Երեխաների աջակցության կենտրոն»-ի սաներին:
Երեւանի քաղաքապետարանի մամուլի ծառայությունից հայտնում են, որ Կենտրոնի բակում տեղադրված խաղային ատրակցիոններն ու մարզասարքերը քաղաքապետի խոստացված նվերն էր, որոնք լրացնում են մանուկների տոնական ուրախ տրամադրությունը:
«Երեխաների աջակցության կենտրոն»-ի գործադիր տնօրեն Միրա Անտոնյանն ընգծել է, որ խաղերն ու մարզասարքերը կարեւոր են տարիքային բոլոր խմբերի երեխաների մարզական առօրյայի լիարժեք կազմակերպման համար:
Երեխաները իրենց հերթին ոգեւորությամբ նշել են, որ ամեն առավոտ սիրով կմարզվեն` առողջ եւ ամրակազմ լինելու համար: «Երեւան ջուր» ՓԲԸ կողմից էլ կենտրոնի վերանորոգված մասնաշենքին նվիրաբերվել է գունագեղ փափուկ գույք:
Օրվա առթիվ կենտրոնի բակում կազմակերպված տոնական միջոցառման շրջանակում երեխաները կավճանկարչությամբ են զբաղվել, նաեւ ցուցադրել իրենց ձեռքի աշխատանքները:
