նախընտրելի դարձնելՀունիսի 2-ին ոստիկանության Կապանի բաժնում հաղորդում էր ստացվել, որ ժամը 05.00-ին «Ֆոլքսվագեն Գոլֆ» մակնիշի ավտոմեքենան Կապան քաղաքի Սպանդարյան փողոցում բախվել է մայթեզրին եւ կողաշրջվել, ինչի հետեւանքով վարորդը` 22-ամյա Կարեն Ղազարյանը, տեղում մահացել է:
Ոստիկանության լրատվական վարչությունից հայտնում են, թե ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ իրականում Կապան քաղաքի բնակիչ` 23-ամյա Էմին Գ.-ն վարելով իրեն պատկանող նշված ավտոմեքենան՝ Սպանդարյան փողոցում բախվել է ճանապարհի աջ մայթեզրին եւ շրջվել, ինչի հետեւանքով ուղեւոր Կարեն Ղազարյանը ստացած մարմնական վնասվածքներից տեղում մահացել է:
Էմին Գ.-ն բերման է ենթարկվել բաժին եւ տվել խոստովանական ցուցմունք:
Փաստի առթիվ քննչական բաժնում ՀՀ քրեական օրենսգրքի 242 հոդվածի 2-րդ մասի հատկանիշներով հարուցվել է քրեական գործ:
Կատարվում է նախաքննություն:
