նախընտրելի դարձնելՇվեդիայի Ումեո համալսարանի, Ամստերդամի համալսարանի եւ Իռլանդիայի համալսարանական քոլեջի գիտնականները համեմատել են մեր օրերի եւ վիկտորյան դարաշրջանում (1837-1901թթ.) ապրած մարդկանց կրթվածության աստիճանն ու ինտելեկտի զարգացածության մակարդակը։
Պարզվել է, երկու դար առաջ ապրած մարդիկ ավելի խելացի, կրթված ու հնարամիտ են եղել, քան ժամանակակիցները
Իհարկե, նախնիների IQ-ն չափել չի հաջողվել, բայց նրանց արձագանքման արագության վերլուծության հետեւանքով ստացվել է վերոնշյալ պատկերը։
Բժիշկ Ջեյմս Թոմփսոնի խոսքով՝ դանդաղեցված արձագանքը ցածր IQ-ի նշան է։ Գիտնականները հատուկ համակարգչում ներդրել են այն ժամանակվա մարդկանց հոգեբանական-ֆիզիոլոգիական տվյալները, որոնք պահպանվել էին արխիվներում։
Պարզվել է, որ 1889թ. ապրած տղամարդու արձագանքման արագությունը 183 միլիվայրկյան է եղել, իսկ 21-րդ դարում ապրողների ցուցանիշը 253 է, գրում է Medvesti.com-ը։
Նույն պատկերը կանանց դեպքում է. ընկալման արագությունը 188-ից դարձել է 261 միլիվայրկյան։
Մաթեմատիկական վերլուծությունը ցույց է տվել, որ ամեն տասը տարին մեկ IQ-ի մակարդակը 1,23 միավորով նվազել է։ Այդկերպ, սկսած 1880թ.-ից, մարդկանց ինտելեկտի կոեֆիցիենտը 14 կետով նվազել է։
Գիտնականները կարծում են, որ եթե տվյալ միտոււմը պահպանվի, ապագայում մարդն ավելի կդեգրադացվի։
