նախընտրելի դարձնել«Խաչաղբյուր-2» ՀԷԿ-ի շինարարության ժամանակ տեղի ունեցած մահվան ելքով ողբերգական պատահարի գործով շինարարա-տեխնիկական փորձաքննություն է նշանակվել: Այս մասին NEWS.am-ի թղթակցին հայտնել են Ոստիկանության մամուլի ծառայությունից:
«Փորձաքննությունը դեռ չի ավարտվել», - նշել են մամուլի ծառայությունում:
Ավելի վաղ հաղորդվել էր, որ Տավուշի մարզի Գետահովիտ գյուղում ՀԷԿ-ի շինարարական աշխատանքների ընթացքում էքսկավատորի վրա 30 տ կշռող ժայռաբեկոր էր ընկել: Եղվարդ քաղաքի բնակիչ, 1986թ. ծնված էքսկավատորավար Ա. Խալաթյանը տեղում մահացել էր: Տեղանքի դժվարության պատճառով անհնար է եղել ծանր տեխնիկայի կիրառումը, որոնողական աշխատանքներն իրականացվել են ձեռքի տակ եղած միջոցներով: Այդ աշխատանքներին մասնակցել են 14 փրկարարներ, տեղի բնակիչները եւ ՀԷԿ-ի աշխատողները: Կատարվածի փաստով նյութեր են նախապատրաստվում:
