նախընտրելի դարձնել
Microsoft ընկերությունը սերտ համագործակցել է ամերիկյան հատուկ ծառայությունների հետ PRISM գաղտնի ծրագրի շրջանակում` թույլ տալով ստանալ իր ծառայություններից օգտվողների անձնական տվյալները: Այս մասին են վկայում բրիտանական թերթին ԿՀՎ-ի նախկին գործակալ Էդվարդ Սնոուդենի հանձնած փաստաթղթերը:
Հշեցնենք, որ Guardian-ը եւ Washington Post-ը հուլիսի 7-ին հայտնել էին, որ ԱԱԳ-ն եւ ԱՄՆ-ի ՀԴԲ-ն ուղղակի մուտք ունեն առաջատար համացանցային ընկերությունների կենտրոնական սերվերներին` Microsoft-ի, Yahoo-ի, Google-ի, Facebook-ի, PalTalk-ի, AOL-ի, Skype-ի, YouTube-ի, Apple-ի:
Նոր հոդվածում թերթը, վկայակոչելով Սնոուդենի հանձնած փաստաթղթերը, հայտնում է, որ Microsoft-ը ԱՄՆ-ի ԱԱԳ-ին հնարավորություն է ընձեռել շրջանցել սեփական պաշտպանությունը` Outlook-ի նամակների եւ չաթերի նկատմամբ հասանելիություն ապահովելով: Ըստ փաստաթղթերի` իբր ԱԱԳ-ի աշխատակիցներն ուղղակիորեն մուտք են ունեցել SkyDrive-ին, իսկ 2011թ. փետրվարի 6-ից սկսել էին ստանալ Skype-ի տվյալները:
«ՌԻԱ Նովոստիի» հաղորդմամբ՝ ընկերության ներկայացուցիչը հայտնել է, որ Microsoft-ն իշխանություններին Outlook-ի, Skype –ի եւ SkyDrive-ի նկատմամբ լիակատար հասանելիություն չի տրամադրել:
