Ինդոնեզիայի ոստիկանության եւ բանակի համատեղ ուժերի շնորհիվ ձերբակալվել են 240 բանտարկյալներից 64-ը, որոնք բանտից փախել էին հուլիսի 11-ին: 500 ոստիկան եւ 300 զինվոր են մասնակցել այդ գործողությանը, հայտնում է  gazeta.ru-ն` վկայակոչելով  USA Today-ը:

Հիշեցնենք, որ Ինդոնեզիայի  Հյուսիսային Սումատրա նահանգի Մեդան քաղաքի «Թանջուգ գուստա» բանտում ընդվզում էր սկսվել, երբ անջատել էին էլեկտրականությունը եւ ջրամատակարարումը:   Բանտարկյալները հրդեհ էին կազմակերպել, նրանցից 240-ը փախել էին:

Զանգվածային փախուստ Սումատրայի բանտից

Խռովությունների հետեւանքով զոհվել է երեք բանտարկյալ եւ բանտի երկու աշխատակից: Ըստ տեղի իշխանությունների` բանտը լեփ-լեցուն է եղել: Բանտում եղել է 2600 մարդ, թեեւ այն նախատեսված է 1054 մարդու համար: