Ֆրանսիայի նախագահ Ֆրանսուա Օլանդը, ով Բաստիլի օրվա կապակցությամբ հուլիսի  14 –ին բացել է տոնական զինվորական շքերթը,  հանդիպել է միասեռ ամուսնությունների  դեմ հանդես եկողների սուլոցներին, հաղորդում է ԻՏԱՌ-ՏԱՍՍ-ը:

Միջադեպը  տեղի է ունեցել այն պահին, երբ պետության ղեկվարը, որպես զինված ուժերի գերագույն գլխավոր հրամանատար,  բաց մեքենայով անցնում էր Ելիսեյան դաշտերով` ընդունելով շքերթը:

Հուլիսի 14-ին Ֆրանսիայում նշում են Բաստիլի գրավման օրը  (L'anniversaire de la prise de la Bastille): Ողջ երկրում անցկացվում են տոնական միջոցառումներ:

Հիշեցնենք, որ Ֆրանսիայի նախագահը երկրում միասեռ ամսունությունները եւ զույգերի կողմից երեխա որդեգրելը թույլատրող օրենքն ստորագրել էր մայիսի 18 –ին: