Նախընտրելի
Աֆղանստանի խորհրդարանը ներքին գործերի նախարար Գուլամ Մուժթաբ Փաթանգին անվստահության քվե է ներկայացրել: Վերջերս Փաթանգի հասցեին անհանդուրժողականության եւ կաշառակերության մեղադրանքներ էին հնչում:
Պատգամավորները նախարարին դատապարտել են թալիբների հաճախակի հարձակմանը ենթարկվող ամենաառանցքային՝ Քաբուլից Քանդահար տանող ճանապարհներից մեկում անվտանգությունն ապահովելու անկարողության մեջ:
Գուլամ Մուժթաբ Փաթանգը վերջին տարվա ընթացքում երրորդ նախարարն է, որին աֆղանական խորհրդարանի պատգամավորները հեռացրել են աշխատանքից, հայտնում է BBC-ի ռուսական ծառայությունը:
Նրա հրաժարականը համընկել է այն ժամանակին, երբ ՆԱՏՕ-ի երկրները պատրաստվում են Աֆղանստանից հանել զորքերը եւ անվտանգության ապահովումը հանձնել աֆղանական ուժերի պատասխանատվությանը:
