նախընտրելի դարձնել
Հարավային Կալիֆոռնիայում եկեղեցիներից, տաճարներից եւ կրոնական այլ վայրերից գողությունների մեջ մեղադրվող երկու գողերը խոստովանել են իրենց մեղքն ու դատապարտվել մել տարվա ազատազրկման: Նրանք գողություն էին կատարել նաեւ հայկական եկեղեցուց:
«OC Weekly»-ը գրում է, որ 45-ամյա Ռոբերտ Լի Դենիսը եւ 21-ամյա Ֆերնանդո Ֆլորեսը ստացել են նույն պատժաչափը, ինչ անցած ամիս իր մեղքն ընդունած 29-ամյա Դենիել Ռուբեն Կորտեսը: Չորրորդ մեղադրյալը` 39-ամյա Ջեյմս Դորշտը, ով ավելի վաղ պայմանական ազատ էր արձակվել, կրկին դատարանի առջեւ կկանգնի օգոստոսի 26 –ին:
Ոստիկանության տվյալներով` այս քառյակը մեկ տարվա ընթացքում գողություն է կատարել Անահայմի, Իրվայնի եւ Սանտա Անայի կրոնական տաճարներից` կոտրելով կամ իրենց հետ տանելով չհրկիզվող պահարանները: Դրանցից մկում եղել է նախորդ գիշեր կայացած բինգոյից ստացված եկամուտը:
Գործը բացահայտվել է Սանտա Անայում հայկական Քառասուն նահատակաց եկեղեցում գողությունից հետո: Եկեղեցու դիտարկման տեսախցիկն արձանագրել էր կատարվածը, եւ հստակ տեսնելի էր նրանցից մեկի դեմքը:
