նախընտրելի դարձնել
Սինգապուրի SE PACIFICA նավը, որը ուկրաինական զրահատեխնիկա էր տեղափոխում իրաքյան բանակի համար, արդեն երեք ամիս է, ինչ Պարսից ծոցի չեզոք ջրերում է։ Պատճառն այն է, որ պաշտոնական Բաղդադը հրաժարվում է ընդունել պատվերը, հաղորդում է «Դումսակայա.net» պորտալը՝ վկայակոչելով նավի սեփականատեր ընկերության աղբյուրը։
Ուկրաինայի եւ Իրաքի միջեւ գործարքը նախատեսում է, որ Կիեւը Բաղդադին է վաճառելու 450 միավոր տեխնիկա, հիմնականում ժամանակակից ԲՏՌ-4։ 2010-ից ի վեր՝ Իրաքը ստացել է հարյուրավոր մեքենաներ։
Աղբյուրի տվյալներով՝ գարնանը ներմուծված 42 միավոր տեխնիկան թերություններ է ունեցել։ Իրաքցիները հրաժարվել են ընդունել դանք եւ հիմա ռազմատեխնիկան տեղափոխող նավը Քուվեյթի, Իրանի եւ Իրաքի միջեւ գտնվող չեզոք գոտում սպասում է հարցի լումանը։ Այս մասին հաղորդում է «ՌԻԱ Նովոստին»։
Ներկայումս ուկրաինական պատվիրակությունն Իրաքում է՝ փորձելով հարթել կոնֆլիկտը։
