նախընտրելի դարձնել
Նվազագույնը 13 մարդ է տուժել օգոստոսի 3-ին Հարավային Խորվաթիայի Դրնիշ քաղաքի մոտակայքի երկաթուղային անցուղում գնացքի եւ ուղեւորատար ավտոբուսի բախումից, հայտնում են տեղական լրատվամիջոցները
Կնին քաղաքի կողմից շարժվող գնացքը ավտոբուսին բախվել է Բադան եւ Սիվերիչ բնակավայրերի հատման կետում, որտեղ պատնեշ չի եղել եւ չի աշխատել լուսացույցը: Ոստիկանության մամուլի քարտուղար Մարիցա Կոսորը Hina գործակալությանը հայտնել է, որ վթարի հետեւանքով տուժել է 13 մարդ, երկուսի կյանքը վտանգի տակ է, հաղորդում է «ՌԻԱ Նովոստին»:
Բոլոր տուժածներն ավտոբուսի ուղեւորներ են: Նրանց տեղափոխել են Շիբենիկ քաղաքի հիվանդանոց: Գնացքի մեքենավարը նույնպես բուժօգնության է դիմել, բախումից հետո նա շոկային վիճակում է եղել:
Հաղորդվում է, որ նախքան փրկարարական ծառայությունների ժամանումը, տեղի բնակիչները տուժածներին օգնություն են ցուցաբերել: Վթարի վայր են ժամանել շտապօգնության չորս բրիգադներ եւ հրշեջներ: Տվյալ հատվածում տրանսպորտի երթեւեկությունը դադարեցվել է: Կատարվում է քննություն:
