նախընտրելի դարձնել
Սահմանադրական բարեփոխումների անհրաժեշտության մասին բազմիցս պաշտոնական հրապարակային հավաստիացումներ են եղել, այդպիսիք արտացոլվել են նաեւ նախընտրական քարոզչության նյութերում, ինչից բխում է, որ այդպիսի նախաձեռնությունը բնավ անակնկալ չէ: Այս մասին հայտարարել է Հայաստանի Սահմանադրական դատարանի խորհրդական, արդարադատության նախկին նախարար Գեւորգ Դանիելյանը՝ NEWS.am-ի թղթակցի խնդրանքով մեկնաբանելով լրատվամիջոցներում տարածված հրապարակումները՝ կապված կառուցողական բարեփոխումներ իրականացնելու հետ:
Ինչպես Դանիելյանն է ընդգծել, հանձնախմբի եւ, բնականաբար, դրա գործունեության ուղղություններին, ժամկետներին ու կազմին առնչվող դեռեւս որեւէ իրավական հիմք չկա: «Սահմանադրության փոփոխությունները Հանրապետության նախագահի նախաձեռնությամբ իրականացվելու դեպքում հիշյալ հարցի կանոնակարգումը կկատարվի Հանրապետության նախագահի համապատասխան հրամանագրով: Վերոհիշյալ հարցերի լուծման հարցում ինքս իրազեկված անձ չեմ, սակայն, որպես մասնագետ, գտնում եմ, որ սահմանադրական բարեփոխումների անհրաժեշտություն միանշանակ կա»,-եզրափակել է Գեւորգ Դանիելյանը:
