Երեւանի Տիգրան Մեծի պողոտայում այսօր` հոկտեմբերի 4-ին, ժամը 14.30-ի սահմաններում  22-ամյա Անդրանիկ Գեւորգյանը, վարելով  BMW մակնիշի մեքենան, վրաերթի է ենթարկել Գյումրի քաղաքի բնակիչ 63-ամյա Սուսաննա  Բարսեղյանին: Այս մասին NEWS.am-ը տեղեկացավ  ոստիկանությունից:

Վարորդը փախուստի չի դիմել եւ միջոցներ է ձեռնարկել տուժողին տեղափոխել հիվանդանոց:  Սակայն Սուսաննա Բարսեղյանը հիվանդանոց տեղափոխելու ճանապարհին  մահացել է:  NEWS.am-ի տեղեկություններով Անդրանիկ  Գեւորգյանը աշխատում է ոստիկանության Երեւան քաղաքի վարչության ՊՊԾ գնդում: Փաստի առթիվ նյութեր են նախապատրաստվում: