նախընտրելի դարձնել
Նախորդ գիշեր Հայաստանում տեղացած ձյունը միանգամայն բնականոն երեւույթ է:
NEWS.am –ի հետ զրույցում ԱԻՆ-ի «Հայպետհիդրոմետի» ծառայության օդերեւութաբանական կանխատեսումների կենտրոնի պետ Գագիկ Սուրենյանը նշել է, որ տեղի է ունեցել արկտիկական օդային հոսանքների ներթափանցում հյուսիս-արեւմուտքից, որի հետեւանքով էլ լեռնային շրջաններում ձյուն է տեղացել: «Մենք համապատասխան կանխատեսում էինք կատարել մի քանի օր առաջ», - հիշեցրել է Սուրենյանը: Ըստ նրա` հոկտեմբերին լեռնային շրջաններում ձյունը միանգամայն բնականոն է Հայաստանի կլիմայական գոտու համար:
Հայաստանում օդերեւութաբանական դիտարկումների ողջ պատմության ընթացքում ամենավաղ ձյունը տեղացել է 1948թ. հոկտեմբերի 13-ին: «Այն ժամանակ հանրապետության ողջ տարածքում, նույնիսկ Արարատյան դաշտավայրում եւ Երեւանում, ձյուն էր եկել», - նշել է Գագիկ Սուրենյանը:
