ԱՄՆ-ի նախագահ Բարաք Օբաման ստորագրել է բյուջեի փոխզիջումային նախագիծը, որը հնարավորություն է տալիս բարձրացնել պետպարտքի շեմը եւ վերականգնել պետհաստատությունների աշխատանքը:

Ավելի վաղ փաստաթուղթը հավանություն էր ստացել ԱՄՆ-ի Կոնգրեսի վերին եւ ստորին պալատներում: Սպասվում է, որ հոկտեմբերի 1-ից փակված կառավարական հաստատությունները աշխատանքը կսկսեն արդեն հոկտեմբերի 17-ից, հայտնում է «lenta.ru»-ն` վկայակոչելով Reuters-ը:

Բյուջեի վերաբերյալ փոխզիջումային տարբերակը հոկտեմբերի 16-ի ուշ երեկոյան հավանություն էր ստացել ԱՄՆ-ի Կոնգրեսի երկու պալատներում:

ԱՄՆ-ում բյուջետային փոխզիջման են հասել 

Փոխզիջման հասել էին, քանի որ Սպիտակ տունը համաձայնել էր խմբագրել բյուջեում առողջապահութան համակարգի բարեփոխման ծախսերը: 

Մինչեւ կեսգիշեր պետպարտքի շեմը գերազանցող փաստաթղթի ընդունումն անհրաժեշտ էր։ Այլ պարագայում ԱՄՆ-ում տեխնիկական դեֆոլտ էր սպասվում։