Երեւանի Բուկինիստ գրախանութում (Մաշտոցի 20) հոկտեմբերի 19-ին տեղի կունենա երկու ամիս տեւած կենդանիների մասին «Հեքիաթի Մրցույթի» հեքիաթային մրցանակաբաշխությունը:

Մրանակաբաշխության նպատակն է՝ սերմանել  սեր, հոգատարություն կենդանիների,  շրջակա միջավայրի եւ գրքի նկատմամբ:

Մրցույթին մասնակցել են 7-14 տարեկան երեխաներ: Համացանցում բաց քվեարկության դրվելուց հետո ժյուրիի կողմից  ընտրվել են 9 լավագույն հեքիաթներ, որոնց հեղինակները կստանան աշխարհի լավագույն նվերը՝ գրքեր,  ինչպես նաեւ կտպագրվեն կենդանաբանական այգու  «ԶՈՒ» մանկական ամսագրում: Իսկ ամենահեքիաթային հեքիաթի հեղինակը կստանա նաեւ «Հեքիաթից պոկված հեծանիվ»:

Հեքիաթային մրցանակաբաշխությունը տեղի կունենա «Հեքիաթի ժամ» ծրագրի շրջանակներում, որն արդեն մի քանի տարի է, ինչ իրականացվում է «Բուկինիստ» գրախանութում, իսկ ամռանը՝ արդեն պարբերաբար նաեւ Երեւանի կենդանաբանական այգում: Ներկա կլինեն երեխաների կողմից սիրված հերոսներ Մաշան եւ Արջուկը, կընթերցվի  այս հերոսների մասին Բուկինիստ գրահրատարակչության կողմից լույս տեսած նոր հեքիաթը՝ «Մաշան ու Արջը. թռչող ցախավելը»: