նախընտրելի դարձնել
ԵՄ եւ Թուրքիայի միջեւ անմիջական բանակցությունների համար Եվրամիության գործադիր իշխանության կողմից մշակված պայմանների թվում չկան հարցեր՝ կապված Հայոց ցեղասպանության ճանաչման հետ, սակայն գոյություն ունի Եվրախորհրդարանի բանաձեւ՝ կապված այդ հարցի հետ: Այս մասին հոկտեմբերի 18-ին կայացած մամուլի ասուլիսի ժամանակ հայտարարել է ՀՅ Դաշնակցության քաղաքական հարցերով եւ «Հայ Դատի» գրասենյակի ղեկավար Կիրո Մանոյանը՝ անդրադառնալով Եվրոպայի հայերի երրորդ համագումարին:
Վերջնիս, նրա համոզմամբ, վկայում է այն մասին, որ ԵՄ-ում կա ինչ-որ տրամադրվածություն եւ չի բացառվում, որ որոշակի երկրներ իրենք բարձրացնեն Հայոց ցեղասպանության ճանաչման հարցը: «Կարծում եմ դեռեւս հնարավորություն կա, եթե ոչ այդ հարցը առաջ քաշված նախապայմանների թվում ներառելու, ապա գոնե այն բարձրացնելու համար, հաշվի առնելով, որ Թուրքիա-ԵՄ բանակցությունները պետք է դեռեւս երկար ճանապարհ անցնեն»,-ընդգծել է Կիրո Մանոյանը:
