Նախընտրելի
ԱՄՆ-ում կալանավորվել է Պարագվայի նախագահ Օրասիո Կարտեսի ավագ որդի Խուան Պաբլո Կարտեսը` անձի վրա հարձակում գործելու մեղադրանքով: Նա կալանավորվել է Մայամիում` հոկտեմբերի 20-ի առավոտյան, հայտնում է EFE գործակալությունը: Պարագվայի նախագահի 29-ամյա որդին բնակվում եւ սովորում է Մայամիում:
Պարագվայի մամուլը հայտնում է, որ նախագահի որդին արդեն ազատության մեջ է, նրա համար վճարել են 1,5 հազար դոլար տուգանք:
Պարագվայի դիվանագիտական ներկայացուցչությունը ոչ մի կերպ չի մեկնաբանել կատարվածը, սակայն Կարտես ընտանիքը հայտարարություն էր տարածել, որտեղ ափսոսանք էր հայտնել կատարվածի համար, հայտնում է rbc-ն:
Օրասիո Կարտեսը Պարագվայի նախագահի պաշտոնն ստանձնել է վերջերս. նա հաղթել էր ապրիլի նախագահական ընտրություններում, որտեղ ներկայացնում էր աջ պահպանողական «Կոլորադոյի կուսակցությունը»: Նա հայտնի է որպես ծխախոտի, խմիչքների եւ մսամթերքի արտադրությամբ զբաղվող ընկերության սեփականատեր:
