Հոկտեմբերի 20-ին Լյուքսեմբուրգի արտահերթ խորհրդարանական ընտրություններում հաղթել է Քրիստոնեա-սոցիալական  ժողովրդական կուսակցությունը` հավաքելով 33,66 % ձայն:

Երկրորդ տեղը զբաղեցրել է Լյուքսեմբուրգի Աշխատանքային կուսակցությունը` 20,28% ձայնով, երրորդը` Դեմոկրատական կուսակցությունը 18,27% ձայնով, չորրորդ տեղը` «Կանաչները» 10,13%-ով: Հինգերորդ տեղում  6,65% ձայնով հայտնվել է Այլընտրանքային դեմոկրատական ռեֆորմիստական կուսակցությունը: «Ձախերը» ստացել են 4,92%, հայտնում է BFM.RU-ն:

Լյուքսեմբուրգում ընտրություններին ներկայանալը պարտադիր է, այդ պատճառով էլ մասնակցության ցուցանիշը գերազանցել է 90%-ը: Քվեարկել է ընդամենը 240 հազար մարդ:

Այսպիսով, սպասվում է, որ Քրիստոնեա-սոցիալական  ժողովրդական եւ Աշխատանքային կուսակցությունները կոալիցիոն կառավարություն կձեւավորեն, որը հերթական անգամ կգլխավորի երկրի գործող նախագահ Ժան Կլոդ Յունկերը, որն այդ պաշտոնն է զբաղեցնում արդեն 18 տարի:

Արտահերթ ընտրություններ անցկացնելու պատճառը լրտեսական սկանդալն ու կոռուպցիան  էին: Խորհրդարանական քննությամբ պարզվել էր, որ  Լյուքսեմբուրգի Srel հատուկ ծառայությունը ապօրինի հետեւել էր քաղաքական գործիչներին եւ գործարարներին, այդ թվում` ռուսաստանցի Ալեքսանդր Լեբեդեւին: