Կահիրեում մի խումբ զինված մոտոցիկլավարներ կրակել են ղպտիների հարսանիքի մասնակիցների ուղղությամբ: Հարձակման հետեւանքով զոհվել է երեք մարդ, ինը վիրավորվել է:

Միջադեպը տեղի է ունեցել այն պահին, երբ  հյուրերը դուրս են եկել Կահիրեի հյուսիսում գտնվող Ալ Վարակ թաղամասի ղպտիական  եկեղեցուց: Հարձակվողները դիմակներով են եղել: Ըստ նախնական տվյալների` զոհերից մեկը ութամյա մի երեխա է, հաղորդում է «lenta.ru»-ն:

Վերջին ամիսներին Եգիպտոսում հաճախադեպ են ղպտիների եւ քրիստոնյաների եկեղեցիների վրա հարձակումները:  Ըստ Amnesty International-ի` 2013թ. օգոստոսից Եգիպտոսում վնասվել է ղպտիների 43 եկեղեցի եւ քրիստոնյաներին պատկանող 200 մասնավոր կառույցնե: Հարձակումների հետեւում կանգնած են Եգիպտոսի պաշտոնանկ արված նախագահ Մուհամեդ Մուրսիին սատարող  իսլամիստները: