նախընտրելի դարձնել
ԱՄՆ-ում հատուկ կայք է հայտնվել, որտեղ կարելի է պարզել` արդյոք ձեր գնած տանը մարդիկ մահացել են, թե ոչ:
DiedInHouse.com կայքը բացվել է հունիսի 1-ին, սակայն կարճ ժամանակում կարողացել է ճանաչում եւ հազարավոր այցելուներ ձեռք բերել: Նախկին տերերից քչերը տունը վաճառելիս կպատմեն գնորդներին, թե իրենց տանը մարդ է մահացել կամ սպանություն է կատարվել: DiedInHouse.com կայքը թույլ է տալիս տունն ստուգել նախքան այն գնելը: Կայքը ստեղծողները պնդում են, որ ամենից շատ ստուգում են Թեքսասի եւ Քալիֆորնիայի տները:
Կայքն ստեղծելու գաղափարը մտահղացել է Ռոյ Կոնդրեյը, երբ նրան է դիմել Քալիֆորնիայի նահանգի Կոլումբիայում բնակարանի մի վարձակալ, որը բողոքել է ուրվականից: Կոնդրեյը պարզել է, որ տանը մարդիկ են մահացել: Անշարժ գույքի գործակալները Կոնդրեյի թշնամիներն են:
DiedInHouse.com-ը մեծ ճանաչում ունի բնակարան գնողների մոտ, DiedInHouse.com-ի միջոցով բացահայտումներ կատարելն այնքան էլ թանկ չէ, գրում է «Կոմսոմոլսկայա պրավդան»` վկայակոչելով Daily Mail-ը: Ծառայությունն արժի 11,99 դոլար:
