նախընտրելի դարձնել
«Չորրորդ իշխանությունը» գրում է, թե ֆինանսների նախարար Դավիթ Սարգսյանը կառավարության աշխատակազմի ղեկավար եղած տարիներին ունեցել է Գայանե անունով քարտուղարուհի, որի ամուսինը՝ Արթուր Ռուստամյանը, երեք տարի շարունակ լինելով հետախուզման մեջ՝ ընկերություն է արել Դավիթ Սարգսյանի հետ։
Վերջինս անարգել ելումուտ է արել ՀՀ կառավարության շենք՝ այցելելով այն ժամանակ դեռեւս կառավարության աշխատակազմի ղեկավար Դավիթ Սարգսյանին։ Արթուր Ռուստամյանի եւ Դավիթ Սարգսյանի միջեւ գործընկերային հարաբերություններ են ձեւավորվել, եւ նրանք մի շարք գործարքներ են իրականացրել միասին։ Այնուհեւտեւ ԱԱԾ-ին հաջողվել է բռնել կառավարության շենք ամեն օր ելումուտ անող հանցագործին եւ պարզել, որ Արթուր Ռուստամյանն իրականում Արթուր Մանուկյանն է։ Վերջինս հիմա ԱԱԾ-ում է, եւ նրա դեմ հարուցված քրեական գործով անցնում է նաեւ այսօրվա ֆինանսների նախարարը։
Թե ինչ պատմությունների միջով է անցել ֆինանսների նախարարն ու ինչպես են հանցակից ընկերներն իրականացրել մի շարք նախագծեր՝ կներկայացնենք հաջորդիվ։ Նշենք, որ «ՉԻ»–ի ձեռքի տակ են հայտնվել որոշ վկայություններ, ինչպես նաեւ փաստաթղթեր, որոնք լրջագույն բացահայտումների առիթ կարող են դառնալ հենց Դավիթ Սարգսյանի մասով»,–գրում է թերթը։
Առավել մանրամասն` թերթի այսօրվա համարում
