ԱՄՆ-ի նախագահ Բարաք Օբաման համաձայն է առողջապահական բարեփոխումների մի մասը: Ձեւաչափերին  չհամապատասխանող  ապահովագրությունների ժամկետը կերկարացվի եւս մեկ տարով:

Հեռուստատեսությամբ Օբաման հայտարարել է, որ ապահովագրական ընկերությունները այժմ կարող են երկարացնել նախկինում ձեռք բերված անհատական ապահովագրությունների ժամկետը, որոնք հակառակ դեպքում չեղյալ էին համարվելու: Նախագահը խոստովանել է, որ իր առաջարկած օրենքի իրականացման նախնական փուլերը ձախողվել են: Սակայն նա խոստացել է, որ նախկինում մասնավոր ապահովագրություններ ձեռք բերած մարդիկ  կարող են պահպանել դրանք, հաղորդում է «Ռոսբալտը»` վկայակոչելով  ВВС-ն:

Հիշեցնենք, որ առողջապահության մասին օրենքում դրույթ կա, որը ապահովագրողներին թույլ է տալիս պահպանել նոր ստանդարտներին չհամապատասխանող ծառայություններ մատուցելու սխեման, եթե այն մշակվել էր  մինչեւ 2010թ.:

Սակայն ապահովագրական ընկերությունները փոխել են  հաճախորդներին առաջարկվող բժշկական ապահովագրության սխեմաները, որի հետեւանքով ամերիկացիների մեծ մասի օգտագործած սխեմաները մի կողմից  մշակվել էին 2010թ. հետո, մյուս կողմից էլ չէին համապատասխանում բարեփոխված ստանդարտներին:

Արդյունքում` ԱՄՆ-ի շատ քաղաքացիներ ծանուցում էին ստացել չեղյալ հայտարարված ապահովագրական պայմանագրերի մասին: