նախընտրելի դարձնել
Վրաստանի քաղաքացիների համար Իսրայելի վիզային ռեժիմը վերացնելու վերաբերյալ փաստաթուղթ է ստորագրվել նոյեմբերի 18-ին, ասված է Վրաստանի ՆԳՆ-ի տարածած հաղորդագրության մեջ:
Համապատասխան փաստաթուղթը ստորագրել են այդ պահին դեռ ՆԳ նախարար Իրակլի Գարիբաշվիլին եւ Իսրայելի ներքին գործերի նախարարի տեղակալ Ֆաինա Կիրշենբաումը:
Համաձայնագրի համաձայն՝ Վրաստանի քաղաքացիները Իսրայելում վեց ամսվա ընթացքում մինչեւ 90 օր կարող են գտնվել առանց վիզայի, հայտնում է «Ինտերպրեսնյուսը»: Համաձայնագիրն ուժի մեջ կմտնի, երբ կողմերն ավարտեն անհրաժեշտ ներքին պետական գործընթացները:
Իսրայելի արտգործնախարարի տեղակալ Զեեւ Էլկինը հոկտեմբերի վերջին Վրաստան իր այցի ժամանակ հայտարարել էր, որ Իսրայելի կառավարությունը որոշում է կայացրել Վրաստանի հետ առանց վիզայի ռեժիմ ներդնելու մասին:
