նախընտրելի դարձնել
Երեւան-Իջեւան ճանապարհի 79-րդ կմ-ին նոյեմբերի 25-ին, ժամը 02.30-ի սահմաններում, իրար են բախվել «Դաեվո Նեքսիա» եւ «Կրայսլեր 300 Ց» մակնիշի ավտոմեքենաներ, ինչի հետեւանքով վարորդները մարմնական վնասվածքներով դիմել են հիվանդանոց:
Ոստիկանության լրատվության վարչությունից հայտնում են, թե նոյեմբերի 25-ին, ժամը 11.00-ի սահմաններում, Գյումրիի Շիրակացու եւ Դուտկո փողոցների խաչմերուկում իրար են բախվել «ԳԱԶ-330202», «ԳԱԶ-3110», «Ֆոլքսվագեն-Վենտո» եւ «Ֆոլկսվագեն-Գոլֆ» մակնիշի ավտոմեքենաներ: Պատահարի հետեւանքով «Ֆոլքսվագեն-Վենտո»-ն վրաերթի է ենթարկել 30-ամյա տղամարդու, որը մարմնական վնասվածքներով տեղափոխվել է հիվանդանոց:
Նոյեմբերի 25-ին, ժամը 12.20-ին, Եղեգնաձոր-Գլաձոր ճանապարհի 2-րդ կմ-ին իրար են բախվել «Օպել Աստրա» եւ «Սամանդ» մակնիշի ավտոմեքենաներ:
«Սամանդ»-ի ուղեւորուհին մարմնական վնասվածքներով տեղափոխվել է հիվանդանոց:
Նոյեմբերի 25-ին, ժամը 13.00-ին, «ՎԱԶ-21063» մակնիշի ավտոմեքենան Սեւան-Մարտունի-Գետափ ճանապարհի 32-րդ կմ-ին բախվել է «ԳԱԶ-33023» մակնիշի ավտոմեքենայի:
«ԳԱԶ-33023»-ի վարորդը եւ ուղեւորը մարմնական վնասվածքներով տեղափոխվել են հիվանդանոց:
Նոյեմբերի 25-ին, ժամը 18.40-ի սահմաններում, «Ֆոլքսվագեն-Վենտո» մակնիշի ավտոմեքենան Ախուրյան-Կառնուտ ճանապարհի 1-ին կմ-ին բախվել է «ԳԱԶ-2410» մակնիշի ավտոմեքենայի:
«ֆոլքսվագեն-Վենտո»-ի ուղեւորուհին մարմնական վնասվածքներով տեղափոխվել է հիվանդանոց:
Նոյեմբերի 26-ին, ժամը 02.30-ին, «ԳԱԶ-3110» մակնիշի ավտոմեքենան Վանաձոր-Ալավերդի ճանապարհի 5-րդ կմ-ին կողաշրջվել է, ինչի հետեւանքով ուղեւորուհին մարմնական վնասվածքներով տեղափոխվել է հիվանդանոց:
Բոլոր դեպքերով կատարվում է քննություն:
