նախընտրելի դարձնելԱմերիկացի սերիական մարդասպան Թոմի Լինն Սելսը մահապատժի է ենթարկվել Թեքսաս նահանգի բանտում։ Մահապատիժն ի կատար է ածվել ԱՄՆ-ի Գերագույն դատարանի կողմից փաստաբանների հայցը մերժելուց հետո, որում նրանք պահանջում էին հայտնել՝ որտեղից էին վերցվել մահացու ներարկման դեղամիջոցները, հայտնում է BBC-ի ռուսական ծառայությունը։
Բանտի ղեկավարությունը ցանկացել է այդ տեղեկությունը գաղտնի պահել՝ մատակարարին հնարավոր սպառնալիքներից ապահովագրելու համար։
Ավելի վաղ դեղորայքի եվրոպական արտադրողները հայտարարել էին, որ իրենց արտադրանքն ԱՄՆ չեն մատակարարելու, եթե այն օգտագործվելու է մահապատիժներ իրականացնելու համար։ Այդ պատճառով ԱՄՆ-ի մի քանի նահանգների բանտեր բախվել էին մահացու ներարկումների համար նախատեսված դեղորայքի բացակայության խնդրին։
49-ամյա Սելսը Թեքսասի ամենավտանգավոր եւ դաժան սերիական մարդասպաններից էր։ Նա խլել է 22 մարդու կյանք, որոնց շարքում կան նաեւ 11-13 տարեկան երեխաներ։ Մարդասպանը մահապատժի էր դատապարտվել դեռեւս 2000թ.։
Սելսը դատական հոգեբույժի հետ զրույցներում պատմել էր, որ սպանել 70 մարդու, սակայն քննիչները պարզել էին, որ Սելսն իրեն նաեւ չարած բաներ է վերագրում։
