նախընտրելի դարձնելՆյու Յորքի քաղխորհուրդը մահմեդականներին թույլատրել է կաթոլիկ նախկին եկեղեցու տանիքից հեռացնել խաչերը՝ գոթական կառույցը որպես մզկիթ օգտագործելու համար:
Խաչերը հանելու դեմ բողոքել են որոշ բնակիչներ, 200-ից ավելի մարդ առցանց խնդրագիր է ստորագրել, որում նշված է, որ 100 տարի առաջ վերաբնակեցված գերմանացիների կառուցած Սուրբ Երրորդություն եկեղեցին քաղաքի տեսարժան վայր է եւ ճարտարապետական կոթող, հայտնում է BBC-ի ռուսական ծառայությունը:
Սակայն խորհրդի նախագահը հայտարարել էր, որ մարմինն իրավունք չունի միջամտել դավանանքի ազատությանը վերաբերող հարցերին:
Եկեղեցին փակվել էր 2010թ.: Անցյալ տարվա դեկտեմբերին եկեղեցին, կիրակնօրյա դպրոցի շենքը եւ ծխական քահանայի տունը գնել էր ոչ առեւտրային մի կազմակերպություն, որը զբաղվում է ներգաղթյալների շրջանում անգրագիտության վերացմամբ:
Նախկին եկեղեցու շենքում մզկիթ բացելու նախաձեռնողը ուսումնական կենտրոնի տնօրենն է: Նա հայտարարել է, որ խաչերը պետք է հանվեն, քանի որ իսլամն արգելում է կուռքերի եւ խորհրդանիշների պաշտամունքը:
