ՀԱԿ խմբակցությունը կբոյկոտի խորհրդարանի խոսնակի ընտրության քվեարկությունը: Այս մասին ապրիլի 28-ին լրագրողներին ասել է ՀԱԿ  խմբակցության ղեկավար Լեւոն Զուրաբյանը:

Ըստ նրա` իրենց խմբակցությունն այս որոշմամբ նաեւ արտահայտում է Գալուստ Սահակյանի անձի վերաբերյալ դիրքորոշումը:  «Խորհրդարանի կազմը չի արտացոլում ժողովրդի իրական ընտրությունը: Մենք անիմաստ ենք համարում մասնակցել  խորհրդարանական ապօրինի մեծամասնության կազմակերպած քվեարկությանը»:

Ի պատասխան հարցին` ինչու է իշխանությունն ընտրել Սահակյանին, Զուրաբյանը պատասխանել է, որ անքննելի են ռեժիմի արարքները: «Ձեզ եմ թողնում իշխանության այլասերված երեւակայության բոլոր վերելքները եւ նրանց որոշումները մեկնաբանելու հնարավորությունը: Չեմ ցանկանում այդքան հեռուն գնալ»:

Լուսանկարը՝ Արսեն Սարգսյանի/ NEWS.am