Հայաստանի վարչապետ Հովիկ Աբրահամյանը Պարի միջազգային օրվա առթիվ հանդես է եկել ուղերձով:

Ուղերձում, մասնավորապես, ասվում է.

«Պարարվեստի հարգարժան գործիչներ,

Հայտնի է, որ սկսած 1982 թվականից ապրիլի 29-ին աշխարհի բոլոր երկրներում հանդիսավորապես նշվում է Պարի միջազգային օրը` որպես պարարվեստի գործիչների մասնագիտական տոն:  Ցանկացած տոն առիթ է մեկ անգամ եւս ամփոփելու եւ արժեւորելու պարարվեստի ոլորտում  կատարված աշխատանքը, հիշելու ոլորտի երախտավորներին եւ անդրադառնալու նրանց թողած ավանդներին:

Կոմիտաս Վարդապետն ասում էր. «Պարն արտահայտում է յուրաքանչյուր մի ազգի բնորոշ գծերը, մանավանդ բարքն ու քաղաքակրթության աստիճանը»:

Պարը հատկապես կարեւորվում է հայ մշակույթի հոլովույթում, քանի որ նրանում արտացոլված է հայ մարդու կենցաղը, զգացումները, սերն իր  ծննդավայրի եւ ազգային սովորույթների նկատմամբ: Այս իմաստով մեծ է Ձեր ավանդը եւ նվիրումը, ինչի առթիվ հայտնում եմ երախտագիտությունս եւ մեկ անգամ եւս շնորհավորում` մաղթելով ստեղծագործական բերկրանքի բազում պահեր եւ նորանոր հաջողություններ»: