նախընտրելի դարձնելՀակաահաբեկչական գործողության ընթացքում Մարիուպոլում մայիսի 9-ին յոթ մարդ է զոհվել, եւս 39-ը վիրավորվել են: Այդ մասին հաղորդում է Դոնեցկի մարզային պետական վարչակազմի առողջապահության դեպարտամենտը:
Սպանվածների եւ վիրավորների պատկանելիության մասին տվյալներ առողջապահության դեպարտամենտը դեռ չունի:
Ինչպես հիշեցնում է «Ուկրաինսկայա պրավդան», Մարիուպոլում մայիսի 9-ին մոտ 60 մարդ զինված հարձակում է գործել ոստիկանության քաղաքային բաժանմունքի վրա:
Ուկրաինական զինվորները հակաահաբեկչական գործողություն են սկսել, քաղաք են մտցրել զրահատեխնիկա:
Ուկրաինայի ներքին գործերի նախարար Արսեն Ավակովի խոսքով՝ մարտի ընթացքում 20 ահաբեկիչ ոչնչացվել է, 4-ին գերի են վերցրել:
Ոստիկանության կողմից սպանվել է մեկ մարդ, կա 5 վիրավոր:
Ինչպես հայտնել են Պաշտպանության նախարարությունում, զինվորների թվում սպանվածներ ու վիրավորներ չկան:
