նախընտրելի դարձնելՔաղաքացիական շարժումն ընդամենը մի տարր է, որը անհրաժեշտ է, բայց հիմնականում քաղաքական ուժերն են, որ կարող են լուծել երկրի խնդիրները։ Այս մասին այսօր՝ մայիսի 10-ին, «Երիտասարդական Կոնգրեսի» համագումարում «Ազատության» հետ զրույցում ասել է ՀՀ առաջին նախագահ Լեւոն Տեր-Պետրոսյանը։
«Հակառակն էլ ասեմ, քաղաքական ուժերն առանց քաղաքացիական շարժումների աջակցության ոչ մի բանի չեն կարող հասնել»,- ասել է նա։
Անդրադառնալով Սահմանադրական բարեփոխումներին՝ Տեր-Պետրոսյանն ասել է. «Ես այս իշխանությունների ձեռնարկած որեւէ բարեփոխման չեմ հավատում։ Ինչքան բարեփոխում են, այդքան այս երկիրը կործանվում է։ Նրանց բոլոր այսպես կոչված բարեփոխումները կոչված են երկիրը կործանելու»։
Լրագրողի հարցին, ինչպես է նա վերաբերվում Մաքսային Միությանը միանալու «նախաձեռնությանը», առաջին նախագահը պատասխանել է. «Նրանք չեն նախաձեռնել, նրանք նախաձեռնել են Եվրոասոցացումը, հիմա խայտառակ վիճակում գնացին, մտան Մաքսային Միություն»։
