նախընտրելի դարձնելԱյսօր` մայիսի 11-ին կնոջ դի է հայտնաբերվել Մասիսի ամառանոցների մերձակայքում, թաղված վիճակում: NEWS.am-ին հաջողվեց պարզել նրա տվյալները, նա Երեւանի 50-ամյա բնակչուհի է, անունը` Վարդուհի: Վերջինս անհայտ կորել է դեռեւս մայիսի սկզբից, ինչի մասին ոստիկանությունը պաշտոնական հաղորդագրություն է ստացել մայիսի 7-ին:
Վարդուհու սպանության կասկածանքով ձերբակալվել է ոմն Սերգեյը: Ըստ նախնական տվյալների, վերջինիս «Ֆորդ» մակնիշի մեքենայի մեջ էլ նրանց միջեւ վիճաբանություն է ծագել, որի ժամանակ Սերգեյը իր մոտ եղած ատրճանակով կրակել է, ապա դին պարտակել նշված տարածքում:
Այս միջադեպի կապակցությամբ ոստիկանությունից NEWS.am-ին հայտնեցին, որ քրեական գործ է հարուցվել, կատարվում է նախաքննություն: Այլ մանրամասներ չեն հաղորդվել:
