Մայիսի 10-ին, ժամը 01.30-ին, ոստիկանության Վաղարշապատի բաժին է դիմել 29-ամյա Քրիստինե Ա.-ն եւ հաղորդում տվել, որ մայիսի 9-ին, ժամը 22.00-ից 22.30-ն ընկած ժամանակահատվածում, տեխնիկական միջոցների գործադրմամբ, դռան կախովի փականը բացելով, իր տան ննջասենյակի զգեստապահարանից գողացել են 21.000 դրամ եւ ոսկյա շղթա` պատճառելով 121.000 դրամի նյութական վնաս:

Հայաստանի ոստիկանության մամուլի ծառայությունից հայտնում են, որ ոստիկանության ծառայողները, օպերատիվ տվյալներն իրացնելիս, մայիսի 11-ին, ժամը 12.00-ին, Բագրատաշենի անցակետից բերման են ենթարկել նախկինում դատված, 36-ամյա  Միքայել Շ.-ին, որը տվել է խոստովանական բացատրություն:

Միքայել Շ.-ն ձերբակալված է:

Ձեռնարկվում են միջոցառումներ գողոնը հայտնաբերելու ուղղությամբ: