նախընտրելի դարձնելՈւկրաինայի Գերագույն ռադայի նախագահ, Ուկրաինայի նախագահի պաշտոնակատար Ալեքսանդր Տուրչինովը Եվրախորհրդի նախագահ Հերման Վան Ռոմպեյի հետ քննարկել է Ուկրաինայի իրավիճակը, սպասվող նախագահական ընտրությունները եւ ուկրաինացիների համար ԵՄ երկրներ վիզային ռեժիմը պարզեցնելու հարցերը, հայտնում է ՈՒՆՆ-ն՝ վկայակոչելով պետության ղեկավարի մամուլի ծառայությունը:
Տուրչինովի խոսքով՝ Ուկրաինան պատրաստ է անել հնարավորը՝ եվրոպական ընտանիքի արժանի անդամ դառնալու համար: Նա ընդգծել է, որ նոր իշխանությունը կայունացրել է երկրի վիճակը՝ չնայած ՌԴ ագրեսիային:
«Նրանք փորձում էին լիովին ապակայունացնել վիճակն Օդեսայում, Նիկոլաեւում Զապորոժյեում եւ Ուկրաինայի այլ մարզերում:
Միակ տեղը, որտեղ դա նրանց հաջողվեց Լուգանսկն է», - ասել է ուկրաինական խորհրդարանի ղեկավարը՝ հավելելով, որ ուժային միջոցներից բացի, իշխանությունները իրավիճակի կարգավորման խաղաղ քայլեր են ձեռնարկում:
Կողմերն ընդգծել են երկրի համար Ուկրաինայի նախագահական ընտրությունների կարեւորությունը:
«Մենք ամեն ինչ կանենք, որ Ուկրաինայում ընտրությունները կայանան եւ լինեն ազնիվ, թափանցիկ եւ ժողովրդավարական», - նշել է Տուրչինովը:
