նախընտրելի դարձնելՓրկարար ծառայությունը մայիսի 14-ին, ժամը 02.38-ին տեղեկատվություն է ստացել, որ Երեւան-Արտաշատ ավտոճանապարհին՝ «Արարատ» ռեստորանային համալիրի մոտակայքում, տեղի է ունեցել վթար:
Դեպքի վայր է մեկնել մեկ մարտական հաշվարկ:
Պարզվել է, որ «Մ-2» միջպետական ավտոճանապարհի Երեւան-Արտաշատ հատվածի 26-րդ կմ-ում «ԲՄՎ» մակնիշի 32ԼՕ108 պետհամարանիշի ավտոմեքենան դուրս է եկել ավտոճանապարհի երթեւեկելի հատվածից եւ բախվել ճամփեզրի բետոնե արգելապատնեշին: Մինչ հրշեջ-փրկարարների կանչի վայր հասնելը՝ Արտաշատ քաղաքի ԲԿ է տեղափոխվել վարորդ՝ 1987թ. ծնված Ա. Ա.-ն:
Բժիշկները նրա առողջական վիճակը գնահատել են միջին ծանրության:
Հրշեջ-փրկարարները հոսանքազրկել են ավտոմեքենան, դադարեցրել գազի արտահոսքը եւ իրականացրել վառելիքաքսուքային նյութերից ճանապարհի մաքրման աշխատանքներ:
