նախընտրելի դարձնելՀյուսիսատլանտյան դաշինքի ավիացիայի կողմից աղքատացված ուրանով համալրված զինամթերքի կիրառմամբ գնդակոծություններից հետո, նախկին Հարավսլավիայի շուրջ 14 քաղաքներում եւ այլ բնակավայրերում, ներառյալ Կոսովոյի եւ Վոեւոդինայի տարածքները, Ռուսաստանի ԱԻՆ մասնագետները հետազոտություններ են անցկացրել:
15 տարի առաջ դաշինքի ավիացիան Հարավսլավիայի միութենական հանրապետության տարածքի ռմբակոծումը սկսեց: Ռազմական գործողությունը առանց ՄԱԿ-ի Անվտանգության խորհրդի հավանության էր նախաձեռնվել` հիմք ընդունելով արեւմտյան երկրների պնդումները, թե Հարավսլավիայի իշխանությունները էթնիկ զտումներ են իրականացրել Կոսովոյում եւ հումանիտար աղետ հրահրել:
Ռազմական թիրախների ուղղությամբ գրոհների ժամանակ դաշինքը աղքատացված ուրանով համալրված զինամթերք է կիրառել: Լայն տարածում են գտել նաեւ կասետային եւ ֆուգասային ավիացիոն ռումբերը, որոնցից շատերը չեն պայթել եւ մինչ հիմա երկրի մակերեւույթին են մնում, հաղորդում է «ՌԻԱ-Նովոստին»:
Ագրեսիային հիմնականում քաղաքացիական անձինք են զոհ գնացել: 78 օր տեւողությամբ օդային հարվածների ընթացքում, տարբեր տվյալներով, 2.5-3,5 հազար մարդ է մահացել, որոնցից 1031-ը` զինվորականներ եւ ոստիկանության աշխատակիցներ: Եւս ավելի քան 5 հազարը վիրավորվել են:
