նախընտրելի դարձնելՌուսաստանի Խաղաղօվկիանոսյան նավատորմի ռազմական նավերի մի ջոկատ` «Վարյագ» գվարդիական հրթիռային հածանավի գլխավորությամբ Չինաստան է ժամանել` համատեղ ռուս-չինական «Ծովային փոխգործակցություն-2014» ռազմածովային ուսումնավարժանքներին մասնակցելու նպատակով, հաղորդում է «Ռոսբալտը»:
Օրերս Ռուսաստանի ռազմածովային նավատորմի գլխավոր հրամանատարի տեղակալ փոխծովակալ Ալեքսանդր Ֆեդոտենկովի ղեկավարությամբ Շանհայ է ժամանել նաեւ կառույցի պաշտոնական պատվիրակությունը:
Փոխծովակալը եւ սպաները չինական կողմի հետ համատեղ աշխատանքային խորհրդակցություն են անցկացրել, որի նպատակն էր ուսումնավարժանքների, ինչպես նաեւ արձանագրային եւ արարողակարգային միջոցառումների անցկացման պլանի վերջին ճշտումները եւ ուղղումները համաձայնեցնել:
Ակնկալվում է, որ միջոցառումների բացման արարողությանը` մայիսի 20-ին, ներկա կգտնվեն ՌԴ նախագահ Վլադիմիր Պուտինը եւ ՉԺՀ նախագահ Սի Ցզինպինը:
«Ծովային փոխգործակցություն-2014» ռուս-չինական ուսումնավարժանքների ակտիվ փուլը մայիսի 22-25-ին` Արեւելաչինական ծովի ջրերում կիրականացվի:
