նախընտրելի դարձնել
ՉԺՀ-ում սկսվում են ռուս-չինական թվով երրորդ «Ծովային փոխգործակցություն -2014» զորավարժությունները, որոնք կանցկացվեն Արեւելաչինական ծովի ավազանում:
Շանհայում դրանց բացման հանդիսավոր արարողությանը կմասնակցեն պաշտոնական այցով Չինաստանում գտնվող ՌԴ նախագահ Վլադիմիր Պուտինը եւ ՉԺՀ նախագահ Սի Ցզինպինը:
Մանեւրներին մասնակցելու համար Չինաստանում է ՌԴ Խաղաղօվկիանոսյան նավատորմի ռազմանավերի ջոկատը:
Զորավարժությունների ակտիվ փուլը կլինի մայիսի 22- 25-ը: Երկու երկրների ծովայինները նավերի ուղեկցորդման, պայմանական գրավված նավերի ազատագրման, թիրախների հայտնաբերման եւ ճանաչման, հակաօդային պաշտպանության համատեղ գործողություններ կմշակեն:
«Ծովային փոխգործակցություն -2014»-ում նաեւ համատեղ հակամակույկային եւ որոնողափրկարարական գործողություններ կանցկացվեն, հրթիռա-հրետանային կրակոցներ՝ ծովային եւ օդային թիրախների ուղղությամբ, հայտնում է ԻՏԱՌ-ՏԱՍՍ-ը:
