«Կարֆուր» հիպերմարկետների ցանցը լավագույն տեխնոլոգիաներ ունի, այն աշխարհում երկրորդ տեղն է զբաղեցնում  ծավալով, որակով եւ մատչելիությամբ, եւ հայ հասարակությունը, բնականաբար, կշահի մեր շուկայում դրա հայտնվելուց: Այս մասին մայիսի 22-ի մամուլի ասուլիսում հայտարարել է Հայաստանի սպառողների միության նախագահ Արմեն Պողոսյանը:

Նա միաժամանակ ընդգծել է, որ հիպերմարկետի բացումը նաեւ բացասական ազդեցություն կունենա այն առումով, որ փոքր եւ միջին խանութները կսկսեն փակվել: «Ես հակված եմ «Կարֆուր» հիպերմարկետի բացվելը գնահատել որպես դրական երեւույթ, քանի որ Ֆրանսիան Հայաստանի համար բարեկամ երկիր է, եւ ֆրանսիական ներդրումները դրական արդյունք կտան», - նշել է Պողոսյանը:

«Կարֆուր» հիպերմարկետի գործունեությունը, հավելել է նա, կնպաստի մրցակցության մեծացմանը, իսկ մրցակցությունը գրեթե միշտ հագեցնում  է գների նվազման: «Կսկսեն գործել անկողմնակալ եւ միմյանցից անկախ խաղացողներ, դա տարբեր ապրանքների գներն ավելի մատչելի կդարձնի», - ամփոփել է Պողոսյանը:

Հիշեցնենք, Ֆրանսիայի նախագահ Ֆրանսուա Օլանդի  Հայաստան պետական այցի շրջանակում մայիսի 13-ին  «Երեւան Մոլի» եւ  «Կարֆուրի» միջեւ նախնական պայմանագիր էր ստորագրվել: Ընթացիկ տարվա աշնանը նախատեսվում է Երեւանում հիպերմարկետի բացումը:

Լուսանկարը՝ Արսեն Սարգսյանի/ NEWS.am