նախընտրելի դարձնել
Ուկրաինայի դեպքերով պայմանավորված՝ ՆԱՏՕ-ն որոշել է ավելացնել իր օդային պաշտպանությունը Մերձբալթիկայում, ինչպես նաեւ ավելացնել զորավարժությունների թիվը Լեհաստանում եւ Բալթյան պետություններում: Նախատեսվում է նաեւ ավելացնել դաշինքի ռազմածովային ներկայությունը Բալթիկ եւ Սեւ ծովերում, հայտարարել է ՆԱՏՕ-ի գլխավոր քարտուղար Անդերս Ֆոգ Ռասմուսենը:
Նա նշել է, որ Ուկրաինայի դեպքերով պայմանավորված՝ իրենց անվտանգության հետ կապված մտահոգություն են հայտնել դաշինքի որոշ անդամ պետություններ, «Էխո Մոսկվի» ռադիոկայանի եթերում ասել է Ռասմուսենը, փոխանցում է ԻՏԱՌ-ՏԱՍՍ-ը:
«Մենք պատերազմի չենք պատրաստվում, մենք արդյունավետ պաշտպանության ենք նախապատրաստվում, որը, կարծում ենք, կունենա նաեւ զսպող ազդեցություն», - հավելել է Ռասմուսենը:
