նախընտրելի դարձնել
Վրաստանի նախագահ Գեորգի Մարգվելաշվիլին եւ Ադրբեջանի պաշտպանության նախարար Զաքիր Հասանովը ռազմա-տեխնիկական եւ արդյունաբերական համագործակցության ոլորտներում երկկողմանի հարաբերությունների խորացման օգտին են արտահայտվել:
Կողմերը նաեւ տարածաշրջանային անվտանգությանը վերաբերող հարցերի են անդրադարձել:
Մասնավորապես, տարածաշրջանի էներգատրանսպորտային ենթակառույցների անվտանգության ապահովման նպատակով, Ադրբեջանի, Թուրքիայի եւ Վրաստանի ԶՈւ մասնակցությամբ համատեղ զորավարժությունների պլանավորման եւ անցկացման վերաբերյալ հարցեր են քննարկվել:
Պաշտոնական այցի շրջանակում Զաքիր Հասանովը նաեւ «Կրծանիսի» ազգային ուսումնական կենտրոն, հրետանային դպրոց եւ այսպես կոչված սիմուլյացիոն կենտրոն է այցելել:
«Դելտա» գիտատեխնիկական կենտրոնը ադրբեջանական պատվիրակության համար վրացական արտադրության ռազմական տեխնիկայի ցուցադրություն է կազմակերպել:
