նախընտրելի դարձնել
Ինդոնեզիան արդեն մյուս ամիս Հյուսիսային Սումատրա նահանգի Սարուլա վայրում կսկսի աշխարհում ամենախոշոր երկրաջերմային էլեկտրակայանի շինարարությունը` 1,6 միլիորդ դոլար արժողությամբ եւ 330 մՎտ հզորությամբ, փոխանցում է Jakarta Globe թերթը:
Ֆինանսավորումն իրականացնելու են Ասիական զարգացման բանկը են Ճապոնիայի միջազգային համագործակցության բանկը՝ Bank of Tokyo-Mitsubishi UFJ Ltd-ի, ING Bank NV-ի, Societe Generale-ի, Sumitomo Mitsui Banking Corportation-ի, Mizuho Bank Ltd-ի եւ National Australia Bank-ի աջակցությամբ: Սպասվում է, որ էլեկտրակայանի բաժնետոմսերի քառորդական մասերը պատկանելու են ճապոնական Itochu Corporatio-ին եւ Kyushu Electric Power Company-ին, 37,5% -ը` Ինդոնեզիայի Medco Power-ին, իսկ 12,5% -ը` Ormat Technologies Inc-ին, փոխանցում է «ՌԻԱ Նովոստին»:
Ինդոնեզիայում կա 500-600 հրաբուխ, որոնցից 129-ը` ակտիվ: Սակայն համարվում է, որ այդ երկրին է բաժին ընկնում համաշխարհային էներգետիկայում օգտագործվող ստորգետնյա ջերմության 40%-ը, դեռեւս օգտագործվում է միայն այդ հսկայական ներուժի աննշան մասը:
