2014թ. վերջին սմարթֆոն օգտագործողների թիվը նախորդ տարվա համեմատ կաճի 25 եւ կկազմիշուրջ 1,76 մլրդ՝ մոլորակի բնակչության մեկ քառորդից  մի քիչ պակաս, գրում է eMarketer-ը:

Ըստ վերլուծաբանների՝ մինչեւ  2017թ. մարդկանց արդեն մեկ երրորդից ավելին կօգտվի սմարթֆոնից:

Ըստ ուսումնասիրության, սմարթֆոն օգտագործողների կեսից ավելին՝ 951 միլիոնը, Ասիական-Խաղաղօվկիանոսյան տարածաշրջանում են: Ավստրալիայի բնակչության կեսը 2013-ին սկսել է մշտապես օգտվել սմարթֆոններից, Հարավային Կորեայի բնակչության կեսը դեռեւս 20012-ին էր մշտապես օգտվում այդ սարքերից:

Ճապոնիան եւս ընթացիկ տարում կհասնի նման ցուցանիշի, փոխանցում է MIGnews.ru-ն:

Այսօրվա դրությամբ սմարթֆոն օգտագործողների թվի առումով Չինաստանն առաջատարն է: 2014թ. նրանց թիվը կազմել էր  521,7 մլն մարդ,  սակայն միայն մինչեւ 2018թ. երկրի բնակչության կեսը մշտապես կօգտվի սմարթֆոններից:

Արեւմտյան Եվրոպայում մինչեւ տարեվերջ ցուցանիշը կհասնի 196,6 միլիոնի: 

ԱՄՆ-ում եւս սմարթֆոն օգտագործողների թիվը 2014թ. կկազմի բնակչության 50 տոկոսը: Ըստ վերլուծաբանների՝ ավելի քան 163,9 մլն ամերիկացիներ սմարթֆոն կօգտագործեն:  Ներկայումս ԱՄՆ-ն Չինաստանից հետո սմարթֆոնների թվի մեծությամբ երկրորդ շուկան է, սակայն 2016-ին երկրորդ տեղում կհայտնվի Հնդկաստանը: