Վարչապետ Հովիկ Աբրահամյանի մոտ տեղի է ունեցել բնական պաշարների օգտագործմանը եւ բնապահպանական պահանջների ապահովման խնդիրներին առնչվող խորհրդակցություն:

Կառավարության մամուլի ծառայությունից հայտնում են, թե ՀՀ էկոնոմիկայի, ՀՀ էներգետիկայի եւ բնական պաշարների ու ՀՀ բնապահպանության նախարարներ՝ Կարեն Ճշմարիտյանը, Երվանդ Զախարյանը եւ Արամայիս Գրիգորյանը  ներկայացրել են բնապահպանական գործառույթների իրականացման ներկայիս մեխանիզմներն ու դրանց հստակեցման ուղղությամբ հնարավոր քայլերը:

Հովիկ Աբրահամյանը կարեւորել է այդ գործառույթների հստակ տարանջատմանն ու պարզեցմանն ուղղված օրենսդրական փոփոխությունների իրականացումը: Վարչապետը հանձնարարել է համապատասխան գերատեսչությունների ներկայացուցիչներին շարունակել քննարկումները եւ ներկայացնել կոնկրետ առաջարկություններ: