Խորհրդարանում ընդդիմությունը տապալել է երկու որոշումների քվեարկությունը: Արտահերթ նիստում մի շարք օրինագծեր արագացված ընթացակարգով քննարկելու որոշման նախագիծ է դրվել քննարկման (երկրորդ ընթերցումը՝ 1-ից 24 ժամ անց):  Որոշումն ընդունվել է ձայների մեծամասնությամբ: (63-ն ընդդեմ 43-ի):

Այդ պահին քառյակը նկատել է, որ եթե իրենք  չմասնակցեն քվեարկությանը, քվեարկողները (ՀՀԿ-ական պատգամավորները)  կեսից քիչ կմնան եւ քվեարկությունը կտապալվի:

Արագացված երրորդ ընթերցման մասին հաջորդ որոշումը չի ընդունվել: Քառյակը նույնկերպ թույլ չի տվել առաջին ընթերցմամբ ընդունել սկսնակ IT ընկերություններին հարկային արտոնություններ տրամադրելու օրինագծերի փաթեթը: Քառյակը ծափահարել է դահլիճում:

Սա նկատելով ՀՀԿ խմբակցության ղեկավար Վահրամ Բաղդասարյանը 20 րոպե ընդմիջում է խնդրել՝ հավանաբար բացակա գործընկերներին գտնելու եւ դահլիճ հրավիրելու համար: