նախընտրելի դարձնել
Պատերազմների եւ հետապնդումների հետեւանքով հարկադիր վերաբնակեցված անձանց թիվը 2013թ. հասել է 50 միլիոնի, հայտնում է ՄԱԿ-ի փախստականների հարցերով գործակալությունը։
Սա ամենաբարձր ցուցանիշն է Երկրորդ համաշխարհային պատերազմի տարիներից ի վեր, փոխանցում է BBC-ի ռուսական ծառայությունը։
17 միլիոն մարդ փախել են իրենց երկրներից, 33 միլիոնից ավելին թաքնվում են սահմաններում։ Շատերը տարիներով ապրում են ճամբարներում։
ՄԱԿ-ում նշել են, որ բարեկեցիկ երկրները պետք է ավելի շատ փախստականների ընդունեն։
Ցուցանիշի աճի հիմնական պատճառը Սիրիայում շարունակվող պատերազմն է։ Դրա հետ մեկտեղ՝ փախստականների ընդհանուր թվի վրա ազդել են նաեւ նոր հակամարտությունները Կենտրոնական Աֆրիկայի Հանրապետությունում եւ Հարավային Սուդանում։
