Բիզնեսը կարծես թե բնավ էլ դեմ չէ Հայաստանում էլեկտրաէներգիայի թանկացմանը, հուլիսի 7-ին լրագրողներին ասել է տնտեսագետ,  ընդդիմադիր ՀԱԿ խմբակցության անդամ Վահագն Խաչատրյանը: Նա նշել է, որ օգոստոսի 1-ից էլեկտրաէներգիայի թանկացման դեմ  արտահայտվել են արդեն եւ հասարակությունը, եւ քաղաքական կուսակցությունները, եւ ՀԿ-ները: Եվ միայն բիզնեսն է լռում: «Ստացվում է, որ մեկ տարվա ընթացքում էլէներգիան թանկացել է 40%-ով,  եւ ոչինչ: Ասենք, մեկ տարի անց կթանկանա եւս 20%` ավելի լավ: Ստացվում է, որ բիզնեսը չի ցանկանում  փչացնել իշխանության հետ իր հարաբերությունները:  Սակայն ինչ գին է վճարում դրա դիմաց», - ասել է Խաչատրյանը:

Հիշեցնենք, որ  էլէներգիայի թանկացումն ուժի մեջ կմտնի օգոստոսի 1-ից: Սակագինը բարձրացնելու որոշումը հարուցել է ՀԿ-ների եւ ընդդիմության  դժգոհությունը: