Հայաստանում  ձեռնարկությունների շրջանառության հարկի նվազեցումը պետք է ոչ միայն առեւտրի, այլեւ արտադրության համար: Այս մասին հուլիսի 7-ի մամուլի ասուլիսում հայտարարել է Հայրենական ապրանք արտադրողների միության նախագահ Վազգեն Սաֆարյանը` մեկնաբանելով հարկային օրենսդրության վերջին փոփոխությունները:

Հիշեցնենք, որ 2014 թ. հոկտեմբերից փոքր եւ միջին բիզնեսի շրջանառության հարկը  (տարեկան 58,3 միլիոն դրամից պակաս շրջանառություն) նվազելու է 3,5% -ից մինչեւ 1%: Սակայն արտոնյալ ռեժիմը վերաբերելու է միայն առեւտրային  ձեռնարկություններին, այլ ոչ թե արտադրությանը: 

«Մենք կարծում ենք, որ փոքր արտադրողները նույնպես կարեւոր սոցիալական խնդիր են լուծում եւ նույնպես ուշադրության կարիք ունեն: Մենք պատրաստվում ենք կառավարության առաջ բարձրացնել շրջանառության հարկը  նրանց համար եւս մինչեւ 1% նվազեցնելու  հարցը», - նշել է Սաֆարյանը: