նախընտրելի դարձնելՀՀ կառավարությունում հունիսի 9-ին տեղի է ունեցել «Համահայկական երիտասարդական միջազգային կենտրոն» հիմնադրամի հոգաբարձուների խորհրդի նիստ, որը վարել է վարչապետ, հոգաբարձուների խորհրդի նախագահ Տիգրան Սարգսյանը:
Ինչպես NEWS.am-ը տեղեկանում է Կառավարության մամուլի ծառայությունից, նիստում արված առաջարկություններին համապատասխան խորհուրդը քննարկել և հաստատել է «Համահայկական երիտասարդական միջազգային կենտրոն» հիմնադրամի կանոնադրությունը` նոր խմբագրմամբ: Հիմնադրամը վերանվանվել է «Հայաստան երիտասարդական հիմնադրամ»:
Օրակարգի մեկ այլ հարցով հիմնադրամի խորհրդի համակարգող է նշանակվել Կարեն Ավագյանը:
Ի թիվս նիստում քննարկված այլ հարցերի, վարչապետ Տիգրան Սարգսյանը հանձնարարել է խորհրդի հաջորդ նիստին ներկայացնել հիմնադրամի 2010 թվականի գործունեության ծրագիրը, բյուջեն, ինչպես նաեւ հաստիքացուցակը:
